DINIKY NY FO

"Misy tsiambaratelon'ny fo, tsy ho azon'ny saina takarina na oviana na oviana" B. Pascal

Premier tour de vita!

harilova | 14 Desambra, 2006 19:42

Mahatsiaro ny fitsofana sifflet “premier tour de vita” tamin’ny 2002 aho, amin’izao ankatroky ny fiandrasana voka-pifidianana ofisialy izao. Tsy te hiditra amin’ny mbola tsy fahamatorana ara-politika eto amintsika aho tsy akory, satria ireo milaza ho mpanohitra tsy nahita kandidat iray hitambarana. Rah atao izany ny kajikajy dia efa nandany 1750000000 farantsa isika ho amin’ny fisoratana anarana fotsiny, dia misaotra an’Andriamanitra aho raha vita premier tour ity mba tsy handaniana vola hafa indray amin’ny pro-pagande.
Pro-pagande manko io, izany hoe : aloha mialoha, fa asa na honerana na tsia aoriana…Dia ho Tari-bady tsy lasam-bodiondry ve sanatria!
Fa ny hafatra ho an’ny antsasa-manila nahalany ny olona iray : “fahamatorana” ny fanajana ny safidy. Na samy te hampandroso an’i Madagasikara daholo  aza ny mpanao politika  (fara-fahakeliny ahay araka ny lazainy) dia samy manana ny fombany avy amin’izany fampandrosoana izany : ao ireo manomboka izany amin’ny tenany aloha (ary nahita fahombiazana tamin’izany fa lasa mpanefoefo tampotampoka...), ao kosa ireo miara-mifofotra amin’ny vahoaka mba hahafahan’ny rehetra manangon-karena (fa tsy hanan-karena). Araka izany, ny Mpitondra raha ny tena izy tsy manampy ny saramba-be mba handroso, fa manampy azy kosa hanana fahafahana hiary an-kahalalahana sy ho voaharo amin’ny fananany.
Raha matotra amin’ny safidy ary ny tia tanindrazana malagasy dia hifanome banana, hahatsapa ny fahasarotam-piainana atrehina ary hisiki-ponitra, tsy hatahotra ny masony fa efa nividy ny lohany
Na iza na iza ho lany, tsy misy fahagagana handrasana afa-tsy ny stramba-be mihoatra ny antsasa-manila mahasahy milaza hoe : io ny anay, tohananay amin’ny fanarenanana fiaraha-monina anjakan’ny fahamarinana sy lavitra ny kolikoly.
Dia ny ahy ny firarian-tsoa efa ataoko satria efa fantatro fa Mr le Président no ho lany eo.
Dia miarahaba anao Mr le Président, ary mirare soa mba tsy handao anao ny antsasa-manila nametra-pitokisana taminao…

 
 

Hevitra

Re: Premier tour de vita!

kitjo | 14/12/2006, 20:37

marina izany!
Aleo ny olona hanao fety milamina..ny asa rahateo efa manomboka...fandaniam-potoana fts no betsaka raha io valim-pifidianana io no mboa iandin-kevitra!

Raha toa manko ka elanelana betsaka hoe 47 sy 43% dia nekeko oe asio confrontation na avereno fa jereo ty elanelana!!!!!

 
Accessible and Valid XHTML 1.0 Strict and CSS
Powered by LifeType - Design by BalearWeb