DINIKY NY FO

"Misy tsiambaratelon'ny fo, tsy ho azon'ny saina takarina na oviana na oviana" B. Pascal

Lanitra! Miakatra sa midina?

harilova | 01 Mey, 2008 01:20

Mandinika ny fetin'ny ascension (Fiakarana) ity aho dia mandinika ihany hoe inona moa no dikan'izany? fialan-tsasatra tsy hiasana handraisam-bola ihany ve sa mba misy heviny manokana? (Amin'ny firenena hafa moa dia tsy ankalazaina amin'ny andro faha-efapolo io fa amin'ny alahady manaraka!!)
Dia lasa koa ny saiko hoe aiza ho aiza no misy ity lanitra ity! Raha niakatra i Jesoa, tany Jerosalema no niakarany, asa tamin'ny ora fahafiry! tolak'andro hoe! Fa niakatra nankaiza? nankany amin'ny Ray ve?
Fa angaha tsy amin'ny toerana rehetra andriamanitra! Ka nahoana no mila miakatra?
Dia lasa ny saiko hoe : ny olona hoe mody any amin'ny Ray rehefa maty (amin'ny alahelo lehibe ny ilazana izany fodiana any amin'ny Ray izany!) Toa zavatra mifanohitra raha amin'ny foto-pisainana kristianina no hamakiana azy!
Ka raha nody any amin'ny Ray ny maty, ngaha any am-pasana no misy ny Ray? Toa lasa nidina fa tsy lasa niakatra! Sa izany angaha no voatery hilazana azy amin'alahelo lehibe!
tsy manamaivana ny fisarahana sy ny alahelo vokatry ny fahafatesana aho tsy akory. Mba manana traikefam-pisarahana ihany aho ka mahatsapa ny hangirifiriny... saingy kosa mandinika ihany ny amin'ny fety ankalazaina toy itony!
 
Ny valin-teny hany hitako dia hoe azo adika hoe "tsy taka-maso ny lanitra" Tonga tsy hitan'ny masony intsony hoy Lioka . Dia amin'ny toerana rehetra tokoa Andriamanitra saingy tsy hitan'ny maso! Tsy renesin'ny sofina!Tsy tsapain'ny tanana! satria Fitiavana Izy!
Dia lasa ny saiko hoe : azo lazaina ho fitiavana ve ny asa soa efa hahazoana dera sahady ety an-tany?
Mba hahafahana miakatra any amin'ny "tsy takatry ny maso", dia mila mahazo ny lazain'i Kristy hoe : "Raha manao soa ianao, manao asa fiantrana (fitiavana) dia aoka ny tananao havia tsy hahalana izay ataon'ny havanana", sy ny hoe "raha mivavaka ianao, dia midira ao an-tranonao, ary mivavaha amin'ny Rainao izay mahita ny "tsy takatry ny maso"!!!
Ny maso mamaky, ny fo mieritreritra e! 
 

Ankapobeny | Manaraka | Mialoha | Hevitra (4) | Verindrohy (trackback) (0)

Hevitra

Re: Lanitra! Miakatra sa midina?

pissoa | 01/05/2008, 14:30

Aty aminay tsy ferie ny assencion, fa tamin'ity nitontona 1er mai dia tsy miasa lol.

Manomboka ety an-tany ny paradisa raha isika olombelona mifankatia :)

Re: Lanitra! Miakatra sa midina?

ikalamako | 01/05/2008, 14:59

ikalamako

hatraty amin'ny tanàna misy ny an'i Dadabe Benoa io ry pissoa ! Efa mamaky ity paositr'i harilova ity aho izao vao tonga saina. Na isan-taona aza tsy haiko mihitsy ny andron'ny ascesion fa miasa foana tsinona. Ny lundi de pentecote koa izahay tsy manana, tss !

tss

harilova | 01/05/2008, 17:43

harilova

Izany ary ko!
Paradisa tsy fiasana ny an-dry Pissoa izany.
Ny aza manody ihany fa resaka politika anie no namindrana ny ascension ho alahady aty amin'ny tanin-dRa-Benoit e
Izaho izao handeha hikarenjy kely fa malalaka ny arabe!!!
Kay moa mahita ny fiakarana ry Ikalamako dia efa mitsinjo ny fidinana sahady ko!
Ra-Zezo miakatra moa ny afo milatsaka!!!!

hay tokoa moa ? :-)

lehilahytsyresy | 01/05/2008, 18:21

Ny aty aminay kosa ry reto dia andro fiasana normal daholo na ny ascension na ny krismasy na ny 1 er Mai. (Tena marina fa tsy lainga).

 
Accessible and Valid XHTML 1.0 Strict and CSS
Powered by LifeType - Design by BalearWeb